Ne tel duel face por seignor ;
Beste ne fu de tel amor.
Salemon dit que droicturiers
Que ses amis c'ert ses levriers.
A vos le poon-nos prover.
Vos ne volez de rien goster
Puis que vostre sire fu pris.
Rois, quar soit fors du landon mis."
Li rois a dit à son corage

Por son seignor croit qu'il enrage:
"Certes, molt a li chiens grant sens.
Je ne quit mais q'en nostre tens,
En la terre de Cornoualle,

Ait chevalier qui Tristran valle."

D

E Cornoualle baron troi

En ont araisoné li roi :

"Sire, quar desliez Husdant,
Si verron bien certainement
Se il meine ceste dolor

Por la pitié de son seignor;
Quar jà si tost n'ert desliez

Q'il ne morde, s'est enragiez

Ou autre rien, ou beste ou gent; S'aura la langue overte au vent."

L'

I rois apele .i. escuier

Por Husdan faire deslier.

Sor bans, sor seles puient haut,
Quar li chien crient de prinsaut.
Tuit disoient: "Husdent enrage."
De tot ce n'avoit-il corage.
Tantost com il fu desliez

Par mie les renz cort esvelliez
Que onques n'i demora plus ;
De la sale s'en ist par l'us,
Vint à l'ostel où il soloit
Trover Tristran. Li rois le voit
Et li autre qui après vont.
Li chiens escrie, sovent gront,
Molt par demeine grant dolor,
Encontré a de son seignor.
Onques Tristran ne fist .i. pas,
Qant il fu près qu'il dut estre ars,

Que li brachez n'en aut après;
Et dit chascun de venir mès:
"Husdant à ma chanbre est mis,
O Tristran fu trait et apris.”
Criant s'en vet vers la chapele,
Li part fait saut et voiz clarele.
Li pueple vait après le chien.
Ainz puis qu'il fu fors du lien
Ne fina, si fu au montier
Fondé en haut sor le rochier.
Husdent li blans, qui ne voit lenz,
Par l'us en la chapele entre enz,
Saut sor l'autel, ne vit son mestre,
Fors s'en issi par la fenestre,
Aval la roche est avalez,

En la lande s'est esgenez,

A terre met le nés, si crie;
A la silve du bois florie,

Où Tristran fist l'embuschement,
Un petit s'arestut Husdent;
Fors s'en issi, par le bois vet.

Nus ne le voit qui pitié n'ait.

Au roi dient li chevalier :
"Laison à seurre cest traller.
En tel leu nos porroit mener
Duc griès seroit le retorner."

L

Aisent le chien, tornent arière.
Husdent aqeut une charière

De la rote, molt s'esbaudist ;
Du cri au chien li bois tenti.
Tristran estoit el bois aval
O la réine et Governal;

La noise oient, Tristran l'entent:
"Par foi! fait-il, je oi Husdent."
Trop se criement, sont en effroi.
Tristran saut sus, son arc tendi.
En une espoise aval s'en traient,
Crime ont du roi, si s'en esmaie[nt],
Dient qu'il vient o le brachet.
Ne demora c'un petitet

Li brachet, qui la rote sut ;
Quant son seignor vist et connut,
Le chief, la queue, la querole

Qui voit com de joès se molle,

Dire puet que ainz ne vit tel joie.
A Yseut à-la-Crine-Bloie

Acort et puis à Governal,

Foz fait joie molt au cheval.
Du chien out Tristran grant pitié :
"Ha! Dex, fait-il, par quel péchié
Nos a cist berseret séu ?

Chien qui en bois ne se tient mu
N'a mestier à home haï.

El bois somes du roi haï ;

Par plain, par bois, par tote terre,
Dame, nos fait li rois Marc querre.
S'il nos trovoit ne pooit prendre,
Il nos feroit ardoir ou pendre.
Nos n'avon nul mestier de chien.
Une chose sachiez-vos bien :

Se Husdens ave[c] nos remaint,
Poor nos fera et duel maint.
Asez est mex qu'il soit ocis
Que nos soion par son cri pris;
Et poise m'en por sa franchise