Yseut la bele, o le chief blont, Mercie molt le roi Artur.: "Dame, fait-il, je vos asur, Ne troverez mais qui vos die, Tant com j'aie santé ne vie, Nisune rien, se amor non. Mal le pensèrent li félon. Ge prie le roi, nostre seignor, Et feelment molt par amor Que mais félon de vos ne croie." Dist li rois Marc: "Se g'el faisoie D'or en avant, si me blasmez." Li uns de l'autre s'est sevrez, Chascun s'en vient à son roiaume, Li rois Artus vient à Durelme, Rois Marc remest en Cornoualle. Tristran séjorne, poi travalle.

L

I rois a Cornoualle en pès,

Tuit le criement et luin et près, En ses déduiz Yseut enmeine,

De lie amer forment se paine;

Mais, qui q'ait pais, li troi félon
Sont en esgart de traïson.

A eus fu venue .i. espie,

Qui va quérant changer sa vie :
Seignors, fait-il, or m'entendez;
Se je vos ment, si me pendez.
Li rois vos sout l'autr’ier mal gré
Et vos en acuelli en hé

Por le deraisne sa mollier.
Pendre m'otroi ou essilier,
Se ne vos mostre apertement
Tristran, là où son aise atent
De parler o sa chière drue.
Il est repost, si sai sa mue.
Qant li rois vait à son déduitz,
Tristran set molt de mal pertiz,
En la chanbre vet congié prendre.
De moi faciez en .i. feu cendre,
Se voz alez à la fenestre

De la chanbre derier à destre,
Se n'i véez Tristran venir,
S'espée çainte, .i. arc tenir,

.Ii. séetes en l'autre main.

Enuit verrez venir par main."
"Comment le sez?" "Je l'ai véu,
Tristran, je voire, et connéu."

Qu'il se sont mis en haut ostal,
Se déduient, c'est chiés Dinas."
“Et je que sai il n'i sont pas."
"Sanz son séu asez puet estre."
"Où verro[ns]-nos ?" "Par la fenestre
De la chanbre, ce est tot voir.

Se g'el vos mostre, grant avoir
En doi avoir quant le vos r'atin "
"Nomez l'avoir." ".I. marc d'argent
Et plus assez que la pramesse,

Si vos aït iglise et messe."

"Se tu mostres, n'i puez fallir, Ne te façon amanantir.”

Ο

R m'entendez, fait li cuvert.
Est un petit fenestre overt.

Endroit la chanbre la roïne;

Par de devant vet la cortine.
Tries la chanbre est grant la doiz,
Et bien espesse biagloiz.

L'un de vos trois i aut matin
Par la fraite du nuef jardin,
Voist belement tresque au pertus.
Fors la fenestre n'i aut nus.
Faites une longue brochete
A un coutel, bien agucete:
Poigniez le drap de la cortine
O la broche poignant d'espine;
La cortine souavet sache
Au pertuset, c'on ne l'estache,
Que tu voies là dedenz cler
Qant il venra à lui parler.

Se il si t'en puz sol .iii. jorz iarde,
Atant otroi que l'en m'en arde,
Se ne véez ce que je di."

Fait chascun d'eus: "Je vos afi

A tenir nostre covenant."

L'espie font aler avant.

L

Ors devisent li

qeus d'eus trois

Ira premier voier l'orlois

Que Tristran à la chanbre maine
O celie qui seue est demeine.
Otroié ont que Gondoïne

Ira au premerain termine;

Départent soi, chascun s'en vet,

Demain sauront com Tristran s'ert.

Dex! la franche ne se gardot
Des félons ne de lor tripot;

Par Perinis, .i. suen prochain,

Avoit mandé

que lendemain
Tristran venist à lie matin,
Li rois iroit à Saint-Lubin.
Oez, seignors, quel aventure.
Lendemain fu la nuit oscure.
Tristran se fu mis à la voie
Par l'espesse d'un espinoie;
A l'issue d'une gaudine