Maint dras de soie i ot levé.

Bohordant vont devant le g[u]é.

Ristran connoisoit bien le roi

TR

Artus, si l'apela à soi:

"Sire Artus, rois, je sui malades,
Bociez, meseaus, desfait et fades.
Povre est mon père, n'out ainz terre.
Çà sui venuz l'aumosne querre.
Molt ai oï de toi bien dire ;
Tu ne me doiz pas escondire.

Tu es vestu de beau girsens
De Renebors, si com je pens.
Desoz la toile rentiene,

La toue char est blanche et plaine.
Tes janbes voi de riches paile
Chaucies et o verte masle,

Et les sorchauz d'une escarlate.

Rois Artus, vois com je me grate;

J'ai les grans froiz, qui qu'ait les chauz.
Por Deu! me donne ces sorchauz."
Li nobles rois avoit pitié;

N

Dui damoisel. l'ont deschaucié.

Li malades les sorchauz prent,
O tot s'en vet isnelement,

Asis se r'est sor la muterne.
Li ladres nus de ceus n'esperne
Qui devant lui sont trepassé,
Fait dras en a à grant plenté
Et.les sorchauz Artus le roi.
Tristran s'asist sor le maroi ;
Qant il se fu iluec assis,
Li rois Marc fiers et postéis
Chevaucha fort vers le taier.

Tristran l'aqeut à essaier

S'il

porra

rien avoir du suen,

Son flavel sone à haut suen,

A sa voix roe crie à paine,

O le nés fait subler l'alaine:

"Por Deu! roi Marc, .i. poi de bien." S'aumuce trait, si li dit. "Tien.

Fremet-la jus sus ton chief.

Maintes foiz t'a li tens fait grief."

"Sire, fait-il, vostre merci!

Or m'avez-vos de froit gari."
Desoz la chape a mis l'aumuce,

Qant qu'il puet la trestorne et muce:
"Dom es-tu, ladres ?" fait li rois.
"De Carloon, filz d'un Galois."
Qanz anz as esté fors de gent?"
Sire, .iii. anz .i. arrement.
Tant com je fui en saine vie,
Molt avoie cortoise amie;
Por lie ai-je ces boces lées,
Ces tartaries plain dolées;
Me fait et nuit et jor soner
Et o la noise estoner

Toz ceus qui je demant du lor
Por amor Deu le criator.”

Li rois li dit: "Ne célez mie,
Comment ce te donna t'amie?"
"Dans rois, ses sires ert meseaus.
O lie faisoie mes joiaus.

Cist maus me prist de la covine;
Mais plus bele ne fu que une."
"Qui est-ele?" "La bele Yseut

Einsi se vest com cele seut."
Li rois l'entent, riant s'en part.
Li rois Artus de l'autre part
En est venuz, qui bohordot,
Joios se fist que plus ne pout.
Artus enquist de la roïne:

"El vient, fait Marc, par la gaudine, Dan roi, ele vient orendroit."

De lie conduire s'entremet.

Dist l'un à l'autre: "Ne sai pas
Comment isse de cest Mal Pas.
Or eston ci, si prenon garde.”
Li troi félon, que mal feu arde!
Vindrent au gué, si demandèrent
Au malade par. out passèrent
Cil qui mains furent entaié.
Tristran a son puiot drécié
Et lor enseigne .i. grant molant :
"Vez là cel torbe après cel fanc,
Là est li droiz as seneors,

G'en i ai veu passer plusors."

L

I félon entrent en la fange

Là où li ladres lor enseigne, Fange troyèrent à mervelle, De si qu'as lenes de la selle Tuit troi chient à une flote. Li malade fų sus la mote, Si lor cria: "Poigniez à fort, Si vos estes de tel tai ort. Alez, seignor, par saint apostre! Si me done chascun du vostre." Li cheval fondent el taier. Cil se prenent à esmaier, Qar ne trovent rive ne fonz. Cil qui bohordent sor le mont Sont acoru isnelement.

Oiez du ladre com il ment:

Seignors, fait-il à ces barons, Tenez-vous bien à vos archons: Mal ait cil fans qui si est mos! Ostez ces manteaus de vos cous, Si braçoiez par mie le tai.

Je vos di bien, que très bien sai,