1

Iluec Tristran de lui s'en torne;
Au départir andui sont morne.

DInas s'en vient après le roi

Qui l'atendoit à un chaumoi.

Ore chevauchent li baron

Vers la cité tot à bandon.

Tote la gent ist de la vile
Et furent plus de quatre mile,
Qu'omes, que femes, que enfanz,
Que por Yseut, que por
Yseut, que por Tristranz;
Mervellose joie menoient,

Li saint par la cité rovoient.
Qant il oient Tristran s'en vet,
N'i a .i. sol grant duel ne fet;
D'Iseut grant joie demenoient,
De lui servir molt se penoient;
Quar ce saciez, ainz n'i ot rue
Ne fust de paile pertendue.
Cil qui n'out paile mist cortine;
Par là où aloit la roïne.

Est la rue molt bien jonchie.

Tot contremont par la chaucie
Si vont au mostier Saint-Sanson.
La roïne et tuit si baron

En sont trestuit ensenble alé.
Evesque, clerc, moine et abé,
Encontre lie sont tuit issu,
D'aubes, de chapes revéstu;
Et la roïne est décendue,
D'une porpre inde fu vestue.
L'évesque l'a par la main prise,
Si l'a dedenz le mostier mise,
Tot droit la meinent à l'autel.
Dinas li preuz, qui molt fu ber,
Li aporta .i. garnement
Qui bien valoit .c. mars d'argent,
.I. riche paile fait d'orfrois,
Onques n'out tel ne qens ne rois;
Et la roïne Yseut l'a pris

Et

par buen cuer sor l'autel mis. Une chasuble en fu faite

Qui jà du trésor vint hors traite Se as grans festes anuès non.

Encore est-ele à Saint-Sanson,
Ce dient cil qui l'ont véue.
Atent est du mostier issue.
Li rois, li prince et li contor
L'enmeinent el palais hautor.
Grant joie i ont le jor menée.
Onques porte n'i fu véé[e].
Qui vout entrer, si pout mengier ;
Onc à nul n'i fist-on dangier.
Molt l'ont li roi tuit honorée ;
Ainz le jor que fu esposée
N'en fist-hom si grant honor
Com l'en li a fait icel jor.
Le jor franchi li rois .c. sers
Et donna armes et haubers

A .xx. danzeaus qu'il adouba.
que Tristran fera.

Or oiez

TR

Ristran s'en part fait à sa tente;
Lez le chemin, lez une sente,

A tant erré voie et sentier

Qu'à la herberge au forestier

En est venu céléement.

Par l'entrée premièrement
Le mist Orri el bel celier;
Tot li trove qant q'ot mestier.
Oris estoit mervelles frans,
Senglers le hès prenet o pans.
En ses hais grans cerf et biches,
Dains et chevreus. Il n'ert pas chiches:
Molt en donet à ses serjanz.
O Tristran ert là séjornanz
Privéement en son terrin.
Par Perinis, li franc meschin,
Soit Tristran novel de s'amie.
Oiez des .iii., que Dex maudie!
Qui o Tristran avoit alez,
Par eus fu molt li rois malez.
Ne tarja pas .i. mois entier
Que li rois Marc ala chacier,
Et avoc lui li traïtor.

Or escoutez que font cel jor.
En une lande à une part
Ourent ars li vilains essart.

L

Li rois s'estut el bruelléiz,

De ses buens chiens oï les cris.
Là sont venu li troi baron

Qui le roi mistrent à raison:
"Rois, or entent nostre parole.
Se la roïne a esté fole,
El n'en fist onques escondit.
Sa vilanie vus est dit,

Et ene voies l'en requier
Privéement à ton couchier,
Et li baron de ton païs

T'en ont par mainte foiz requis,
Qu'il vuelent bien son escondire
Que ou Tristran n'ot sa druerie.
Escondire se doit coument,
Si l'en fai faire jugement;
S'ele ne s'en veut escondire,
Lai-l'en aler de ton enpire."

I rois rogi, qui escouta:

Lipo "Par Deu! seignors, tort n'ot. Molt a

Ne finastes de lie reter..