“Bele, or n'i a fors du fuir.
Il nos laissa por nos traïr,
Seus ert, si est alé por gent,
Prendre nos quide voirement.
Dame, fuion-nos-en vers Gales,
Li sanc me faut." Tot devient pales.
Atant ès-vus lor escuier
Qui s'en venoit o le destrier,
Vit son seignor, pales estoit,
Demande li que il avoit :
"Par foi! mestre, Marc li gentis
Nos a trovez ci endormis;
S'espée lait, la moie enporte,
Félonie crien qu'il avorte.
Du doi Yseut l'anel le buen
En a porté, si lait le suen.
Por cest change poon parçoivre, il nos veut déçoivre ;
Quar il ert seus, si nos trova,
Poor li prist, si s'en torna,
Por gent s'en est alé arrire,
Dont il a trop et baude et sire;
Se's amerra, destruire voist
Et moi et la roïne Yseut;
Voiant le pueple, nos veut prendre,
Faire ardoir et venter la cendre.
S'il ont poor n'en puent mais,
Li rois sevent fel et engrès;
Torné s'en sunt bone aléure,
Li roi doutent por l'aventure,
Morrois trespasent, si s'en vont,
Grans jornées par poor font,
Droit vers Gales s'en sont alé.
Molt les aura amors pené.
Troiz anz plainiers sofrirent peine,
Lor char pali et devint vaine.
Eignors, du vin de qoi il burent
Avez oï, por qoi il furent
En si grant paine lonc tens mis;
Mais ne savez, ce m'est avis,
A combien fu déterminez
Li lovendris, li vin herbez.
La mère Yseut, qui le bolli,
A .iii. anz d'amistié le fist,
Por Marc le fist et por sa fille;
Autre en prima qui s'en essille.
Tant com durèrent li troi an
Out li vins si soupris Tristran
Et la roïne ensenble o lui,
Que chascun disoit: "Los m'en fui."
Endemain de la Saint-Jehan,
Acompli furent li troi an
Que cil vin fu déterminez.
Tristran fu de son lit levez,
Iseut remet en sa fullie.
Tristran, sachiez, une doitie
A un cerf traist qu'il out visé,
Por les flans l'a outre bersé.
Fuit s'en li cers, Tristran l'aqeut,
Que soirs fu plains: tant le porseut.
Là où il cort après la beste,
L'ore revient, et il s'areste,
Qu'il ot béu le lovendrant.
A lui seus senpres se repent:
"Ha! Dex! fait-il, tant ai traval,
.Iii. anz a hui que riens n'i fal.
Onques ne me falli puis paine
Ne à fouré n'en sorse maine,
Oublié ai chevalerie,
A sevre cort et baronie,
Ge sui essilié du païs,
Tot m'est falli et vair et gris,
Ne sui à cort à chevaliers.
Dex! tant m'amast mes oncles chiers, Se tant ne fuse à lui mesfez!
Ha! Dex! tant foiblement me vet!
R déuse estre à cort à roi,
Et cent danzeaus avoques moi,
Qui servisent por armes prendre
Et à moi lor servise rendre ;
Aler déuse en autres terres
Soudoier et soudées querres.
Et poise moi de la roïne
Que je doins loge por cortine,
En bois est et si péust estre
En beles chambres o son estre
Portendues de dras de soie;
Por moi a prise male voie.
A Deu, qui est sire du mont,
Cri-ge merci que il me donst
Itel corage que je lais
A mon oncle sa feme en pais.
A Deu voie que j'el feroie
Molt volentiers se je pooie,
que Yseut fust acordée O le roi Marc qu'est esposée, Las! si qe'l virent maint riche ome, Au fuer q'en dit la loi de Rome."
Ristran s'apuie sor son arc,
Sovent regrete le roi Marc,
Son oncle, qui a fait tel tort
Sa feme mise à tel descort.
Tristran au soir se démentoit.
Oiez d'Iseut com li estoit :
|