Page images

Then let us cheerfu' acquiesce :
Nor make our scanty pleasures less,

By pining at our state;
And, even should misfortunes come,
I, here wha sit, hae met wi' some

An' 's thankfu' for them yet,
They gie the wit of age to youth;

They let us ken oursel;
They make us see the naked truth,
The real guid and ill.
Tho' losses, and crosses,

Be lessons right severe,
There's wit there, ye'll get there,

Ye'll find na' other where,

VIII. But tent me, Davie, ace o' hearts! (To say aught less wad wrang the cartes,

And flatt'ry I detest,)
This life has joys for you and I;
And joys that riches ne'er could buy;

And joys the very best.
There's a' the pleasures o' the heart,

The lover an' the frien';
Ye hae your Meg, your dearest part,
And I my darling Jean!
It warme me, it charms me,

To mention but her name :
It heats

it beets me,
And sets me a' on flame!


O all ye Pow'rs who rule above!
O Thou, whose very self art love !

Thou know'st my worıls sincere!

[ocr errors]

The life-blood streaming thro' my heart,
Or my more dear immortal part,

Is not more fondly dear:
1.en heart-corroding care and gries

Deprive my soul of rest,
Her dear idea brings relief
And solace to my breast.
Thou Being, All-seeing,

O hear my fervent pray'r;
Still take her, and make her

Thy most peculiar care!


All hail, ye tender feelings dear!
The smile of love, the friendly tear,

The sympathetic glow;
Long since, this world's thorny ways,
Had number'd out my weary days,

Had it not been for you!
Fate still has blest me with a friend,

In every care and ill;
And oft a mone endearing band,
A tie more tender still.
It lightens, it brightens,

The tenebrific scene,
To meet with, and greet with,
My Davie or my Jean.

O, how that name inspires my style!
The words come skelpin rank and file,

Amaist before I ken !
The ready measure rins as fine,
As Phæbus and the famous Nine

Were glowrin owre my pen.
My spaviet Pegasus will limp,
Till ance he's fairly het;


And then he'll hilch, and stilt, and jimp,
An' rin an unco fit:
But lest then, the beast then,

Should rue this hasty ride,
I'll light now, and dight now,

Ilis sweaty, wizen'd hide.



I'm three times doubly o'er your debtor,
For your auld-farrant, frien'ly letter,
Tho' I maun say't, I doubt ye flatter,

Yé speak sae fair;
For my puir, silly, rhymin'«clatter,

Some less maun sair.

Hale be your heart, hale be your fiddle;
Lang may your elbuck jink an' diddle,
To cheer you thro' the weary widdle

O' war’ly cares,
Till bairns' bairns kindly cuddle

Your auld, gray hairs.

But Davie, lad, I'm red ye're glaikit;
I'm tauld the Muse ye hae negleckit
An' gif it's sae, ye sud be licket

Until ye fyke;
Sic hauns as you sud ne'er bé faikit,

Be hain't wha like.

For me, I'm on Parnassus' brink,
Rivin the words tae gar them clink;
Whyles daez't wi' love, whyles daer't wi' drink,

Wi' jads or masons;
An' whyles, but ay owre late, I think

Praw sober lessons.

Of a'the thoughtless sons o' man,
Commen' me to the Bardie clan;
Except it be some idle plan

O'rhymin' clink,
The devil-haet, that I sud ban,

They ever think.
Nae thought, nae view, nae scheme o' livin',
Nae cares tae gie us joy or grievin';
But just the pouchie put the nieve in,

An' while o:ght's there,
Then hiltie, skiltie, we gae scrievin',

An' fash nae mair.
Leeze me on rhyme! it's ay a treasure,
My chief, am zist my only pleasure,
At hame, a-fiel', at wark or leisure,

The Muse, poor hizzie!
Tho'rough an' raploch be her measure,

She's seldom lazy. Hand tae the Muse, my daintie Davie: The warl' may play you monie a shavie; But for the Muse, she'll never leave ye,

Tho'e'er sae puir, Na, even tho' limpin wi’ the spavie

Frae door to door.



April 1, 1785.

WHILE briers an’ woodbines budding green,
An' paitricks scraichin loud at e'en,
An' morning poussie whiddin seen,

Inspire my Muse,
This freedom in an unknown frien'

I pray excuse.
On fasteen-een we had a rockin,
To ca’ the crack and weave our stockin;
And there was muckle fun an' jokin,

Ye need na doubt;
At length we had a hearty yokin

At sang about.
There was ae sang, amang the rest,
Aboon them a' it pleas'd me best,
That some kind husband had addrest

To some sweet wife :
It thrill'd the heart-strings thro' the breast,

A' to the life. I've scarce heard aught describe sae weel, What gen'rous, manly bosoms feel : Thought I, “Can this be Pope, or Steele,

Or feattie's wark ?” They told me 'twas an odd kind chiel

About Muirkirk.

« PreviousContinue »