RECUEIL DE CE QUI RESTE DES POËMES

RELATIFS A SES AVENTURES

COMPOSÉS EN FRANÇOIS EN ANGLO-NORMAND

ET EN GREC DANS LES XII

ET XIII SIÈCLES

PUBLIÉ PAR FRANCISQUE MICHEL

LONDRES

GUILLAUME PICKERING

PARIS CHEZ TECHENER

MDCCCXXXV

loch -30-53 5401

LE

ROMAN DE TRISTAN.

*

Qui pur Tristran ès cuer se dolt. "Dame, dit Brengien, morte sui.

Mar vi l'ure

que vus cunui

E vus e Tristran vostre ami.

Tut mun païs pur vus guerpi,

E pus pur vostre fol

curage
Perdi, dame, mun pucelage.
Jo'l fiz, certes, pur vostre amur.
Vus me pramistes grant honur
E vus e Tristran le parjure,
Ki Deu doinst ui mal[e] aventure
E dur encumbrer de sa vie !

B

Par li fu-ge primer hunie.
Membre-vus ù vus m'e[n]veiastes.
A ocire me cummandastes.
Ne remist en vostre fentise
Que par les sers ne sui ocise.
Melz me valuit la lur hair,
Ysolt, que ne fiz vostre amur.
Chétive e malvise fui

Quant puis jo el ure vus crui,
Que unques vers vus amur oi
Pus ke cete mort par vus soi.
Pur quei n'ai quis la vostre mort
Quant me la quesitest à tort?
Cel forfez fud tut pardoné;
Mès ore est-il renovelé

Par l'acheisun e par l'engin
Que fait avez de Kaherdin.

Dehait ait la vostre franchise
Quant si me rendez mun service!

C'est ço, dame, la grant honur Que doné me ad pur vostre amur. Il voleit aver cumpaignie