Ke vus tant cher avez éu,
E suvenir vus dait ben,
Amie Ysolt, de un[e] ren.

Q

Uant cil de Irland à la curt vint,
Li reis [l']onurrat, cher le tint.

Harpéur fu, harper saveit.

Ben saviez ke cil esteit.
Li reis vus dunat al harpeur.
Cil vus amenat par baldur
Tresque à sa nef e dut entrer.
En bois fu, si le oï cunter.
Une rote pris, vinc après
Sur mun destré le grant elez.
Cunquis vus out par harper,
E je vus cunquis par roter.
Raïne, suvenir vus dait
Quant li rais congié me aveit,
E je ere mult anguisus,
Amie, de parler od us

E quis engin, vinc el vergez
U suvent eimes enveisez

Desus un espin el umbre sis,
De mun cnivet les cospels fis
K'erent enseignes entre nus
Quant me plaiseit venir à vus.
Une funteine iloc surdeit,
Ki de la chambre curreit;
En ewe jetai les cospels,
Aval les porta li rusels.
Quant veiez la doléure
Si [sa]viez ben à dreiture
Ke jo vendreie la nuit

Pur envaiser par mun déduit.

"[1] neims sempres s'en aperceut, L

Al rei Marces cunter le curut.

Li rais vint la nuit el gardin
E si est munté el espin.
Jo vinc après ke mot ne soi;
Mais si cum je oi esté un poi,
Si aperceu le umbre le roi
Ke seet à le espin ultre moi.
Del autre part venistes-vus:

Certes, je ere dunc poerus;
Kar je dutoie [mult], sachez,
Ke vus trop vus [vus] hastisez ;
Mais Deus n'el volt, sue merci!
Le umbre véisteske je vi,
Si vus en traisistes arère;
E vus mustrai ma praière
Ke vus al rai me acordissez
Si vus fare le puussez,
U il mes guages aquitast
E del règne aler me lessast.
Pur tant fumes lores sauvez,
E al rei Marces fu acordez.

66

Solt, membre-vus de la lai,

IS

E féites, bele, pur mai.

Quant vus eisistes de la nef,
Entre mes bras vus tint suef.
Je me ere ben desguiséé
Cum vus me aviez mandé,
Le chef tenei[e] mult enbrunc
Ben sa[i] quai me déistes dunc

Ke od vus me laissasse chair.
Ysolt amie, n'est-ço vair?
Suef à la terre chaïstes

E voz quissettes me auveristes,
E m'i laissai chaïr dedenz,
E ço virent tu[te]z les genz:
Par tant fustes, ce je le entent,
Ysolt, guari al serment

Del serment e de la lai

Ke feistes en la curt le rai."
La raine le entent e ot

E ben ad noté chescun mot,
Ele l'esguard, del quer suspire,
Ne set sus cel ke puisse dire,
Kar Tristran ne semblout-il pas
De vis, de semblanz ne de dras;
Mais à ço ke il dit ben entent
Ke il est veirs e de ren ne ment:
Pur ço ad el quer grant anguisse
E ne set ke faire puisse.
Folie serrait e engain

A entriscer-le pur Tristran

K

Quant ele vait e pense e creit

N'est pas Tristran mais autre esteit;
E Tristran mult ben se aperceuit
Ke ele del tut le mescunuit.

Quant vus me amastes semz desdeing.
Certes de feintise ore me pleing,
Ore vus vai retraite e fainte,
Ore vus ai-jo de feinte ateinte;
Mais jo vi jà, bele, tel jur

Ke vus me amastes par amur.
Quant rei Marces nus out conjeiet
E de sa curt nus out chascez,
As mains ensemble nus préimes
E hors de la sale en eissimes,
Al forest puis en alames
E mult bel liu i truvames
En une roche, fu cavée;
Devant ert effraite le entrée ;
Dedenz fu voesse e ben faite,